شعر و أدب

دارميات على طريقتي … !

دارميات على طريقتي … !

حميد عاشور

ما أترك التدخین مُدمن علی أهلي             وابدیرم اشفاف اهواي بصمات أخلّي

آ يا وطن ذكراك دومن علی البال          اسمك رفیج النجم وسط السّمه عال

حزني کثر يا ناس زوّدلي  لآلام           ومن موطني احتلوه ، ذبحولي  لاحلام

اضحك چذب مهموم بس ابچي كلساع     و ادري الچذب مفضوح بس موطني ضاع

ما هَمني لوم اعداي ، همّاني لومك             متحزم الغبرات يا وسفه دومك

سِچبـَن علی الخدين دمعات العيون       فراگ الوطن يا ناس کثــّر ليونّون   

بسکوته والبسکوت کلّه اعلی مودك       مشيّك حـَبي يفلان هذا اهوه عودك

بسکوته والبسکوت ما ثمّر اوياي       أرده اصرخ بعالي الصوت و اتعنّه لهواي

بسکوته والبسکوت سكناك الگبور        ولو ما لهيب النار ماي الله ميفور

بسکوته والبسکوت طبعك اتهندس     ترسم خبث مخطوط مثل المهندس

بسکوته والبسکوت غنّي اعلی کيفك       بصوتك او نـَص اعداي ، بيّنت زيفك  

بسکوته والبسکوت صاحب خدعني       وين اشتکي يا ناس عگرب لدغني

اظهر المزيد

مقالات ذات صلة

زر الذهاب إلى الأعلى