ليلة عرس
من ورا القضبان صرخه في ظلام الليل صاحت
انـتـه تسمـع وانــه ادري
صاحت وبلآخ نادت،كسرّت صمت ألمدينه
وكـسـرّت أقـفاص صـدري
سـوط صـاعـــد،ســوط نــازل،مـاي يغـلي
و الــدمـــوم اتسيل تـجـري
السؤال ألبيك خافي، خنجر وينبش جراحي
هذا منهو؟ليش يصرخ؟ذاك ليش اهناك يعـري؟
هم شفت آلاف واكثر،هذا ساكت ذاك يزحف
عشره لوعشرين عمره،لويزود سنين كـُبري
شوف ذاك اشلون طايح ،هذا شايب ليش مچفي؟
مجتمع عشاﮒ كلهم،كـبـَرالهُـم حته حبري
ذاك بالأصفاد يعزف والأخير هناك ينزف
والصبرخجلان منهم مومثل صبرك وصبري
چان واحد حيل يضحك،من ينادي ألليله عـرسي
عاشگ ومجنون أرضه وللعـِشـََگ شيفيد عـُذري؟
شفت واحد باس حـَبـله ورافع اثنين الاصابع
يعـني گرب يـوم نصري
والصعد فوگ المشـانق مبتسم وأهناك مرمي
تالي مدفون ابسلاسل وين ﮔبره الله يدري؟
هـم سـمـعـت أهـناك طفله تصـرخ وتنحب وتبچي؟
تطلب امها تريد تطلع وانه حاير ظال بـأمـري
عمت هاي العين شافت،في غـياهب سجن ناحت
والــدمــع نــهـــران يكـري
گلي شنهو اشلون تالي،هلمراراليمته يگضي؟
ليتني آني معاكم، ليت شعري ليت شعري
من ورا القضبان صرخه في ظلام الليل صاحت
انته تسمع وانه ادري
