مــواويــل
مــواويــل
ياصاح جــرح الـوطــن ينزف يـريـد الفاف
ضمده وناضل صدﮒ موش بچذب والفاف
حيث انته صاحب ارض،غيرك دخيل الفاف
وسلك طــريــق المـشــو،وبمسطره سطـره
هــوس لجل مــوطنك،جـزل الشعر سطـره
وچفك إحمسه بـعـــدو،حيل وإخــذ سطـره
وجمع هلك وتحد مثل الشجر والفاف
يا صاح اجـروح الوكت طابن تشافن عفن
وكحيـلات أهلي العـرب ماقط ركبهن عفن
مـن دخـلـن المـيـدان هـيهـات هجمه وعفن
واسـمـح لـذاك الـذي لابــد سمـح مــن قبل
يصبح اخـو بالمحن،يـوم الحرب مــن قبل
وتحده جــور الـزمـن إن قـبـل لــو مـا قبل
ولا تنتقم للمضن وعــفي مثل مـــا عفن
وين الخوي الينتخي مني الجسم مونحل؟
خصمي علي اعتده ومن الطبيعه مونحل
امچتف ابهـذا الـوكــت مني الجنح مونحل
وكـل البجسمـي والحشه ومحد نشد شلبيك؟
اصواب البغيرك شـَدخ،شبه شل ألتبن شلبيك
وذاك الــذي بـيـه الشلل حـط الـشلل شلبيك
من هذا موتي گرب بس مشكلي مانحل
فاضل الاحوازي ..نموت ويحيى الوطن
