شعر و أدب
في غيابك
في غيابك دمعه سالت
مدري شنهو الطلعاها؟
مدري ليش،اشلون ساحت؟
چنهه نار ومن جهنم
جمره مو بس ماي طاحت
چلبت طرف الرموش
مثل چبنه ابجيرچانت
فرشت افراش العتاب
اشتكتلي وحيل ناحت
اشتكت من عيني اللي،
ماغفت مايوم نامت
واجهتني ابكل صراحه
صارحتني وكل شي گالت
سولفت كثر السوالف
دوختني وعيب داخت
من قصايد شعر فاضل
چم قصيده وبيت جابت
هيّجت كل الجروح
هييجتني وهيه هاجت
اسألتني عالقضيه
وين وصلت وين صارت؟
ذكرتني بالسنين
هالسنين اشلون طافت؟
ذكرتني بالوطن
شييتني وهيه شابت
بچت، لكن فشلتني
دمرتني واستراحت
ردت ابوسنها اعله خدها
يا اسف بحضاني ماتت
تالي ماتالي السوالف
عيني وي الدمعه راحت!
نموت ويحيى الوطن
