غير مصنف

نصرة الأحواز /نايف بن عرويل

طغى جنح القصيد اللي طروقة تنعش الوجدان

طروق الشعر ما تطرب سوى لاصار حاديها

يجنب هزلها كله وينقى للبيوت سمان

يترجم صادق احساسه على صادق معانيها

ضربنا هامة الظالم والا بسم الله الرحمن

سفينتنا تحت حكمك يامجريها ومرسيها

سلام الله على دارن لها بين العروبة شان

عوايدنا عوايد مبادينا مباديها

على الأحواز ميلاد البطولة موطن الشجعان

بلاد العرب مرتاع المكارم في روابيها

تحطم حولها جيشن عرمرم وارتخت تيجان

ملوك الكون تغزيها طمع ثم تندفن فيها

بدون اسوار تحميها ولاكن سورها فرسان

رجالن لا احتمى الموقف رماح الحرب ترويها

ترى الاحواز تاريخن بطولي طيلة الازمان

عروقن تاصل الجمة ونبع العز يسقيها

والا قالوا ترى ليرانا قول اسكت تعقب ايران

ملوك الفرس ماتثبت على القاعة مواطيها

يزلزل عرشها عزمن عروبي يكتسيه ايمان

بأن الروح ماتركع سوى لله باريها

عقب درة عمر هدة عروش الظلم والطغيان

فلا كسرى عقب كسرى لو ان الوهم يبنيها

تنامت ثورة تظهر بمعنى لا للخذلان

نعم للعزة العزة بريح الدم نشريها

صدى الأحواز رددها وهزت عرش في طهران

بلاد الفرس مهتزة وحاميها حراميها

بغى يبني على اركام الحطام البالي الهمدان

عروشن في خيالاته على كفه يسويها

يبي ملكن بسوريا يبي عرشن على لبنان

يبي بغداد تركع له يبي صنعاء وتاليها

صدم في عاصفة حزمن تمثل في عزم سلمان

قلبنا طاولة حكمه بعاليها لواطيها

اخو نورة ذرى كل العروبة مزبن الشفقان

تلوذ الحرب في ركنه لياكثرة عزاويها

يدافع عن وطن كل العروبة والحرب الآن

تعيد المجد للأمة ترجعها لماضيها

وجب ناقف مثل وقفة صلاح الدين فالميدان

نجابه جحفلة كسرى وبأذن الله ننهيها

وترانا فالرخى صحبة وترانا فالشداد اخوان

وترانا مانخون اللي عهودالله نعطيها

مع الأحواز فوعتنا ولاممسى بلوشستان

نسوق اعمارنا معها وبالارواح نفديها

حضرت اسجل الموقف وانا شاعر فعل ولسان

وعين جيت اكحلها وعينن جيت ابعميها

وصلاة الله على محمد عدد ماسارت الأمزان

شفيع الامة الصادق لدرب الحق هادئا

نايف بن عرويل

يذكر أن الشاعر السعودي نايف بن عرويل القى هذه القصيدة في اليوم الأول لمؤتمر حركة النضال العربي لتحرير الأحواز الذي أقيم في مدينة لاهاي الهولندية في تاريخ 18نيسان الهولندية

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *