كلشي ايهون
كلشي ايهون,,,
فرقاك او حسرتي او دمع اليودعون
دم أغلى الزلم ,, عمري اللي فنيته اوياك
عذابي اوحسرتي اوشيبي الغطالي الراس
كلشي ايهون,,
بس عين الشماته اللي ترسه ارماح,,
جتاله؟؟؟؟؟؟ ابد متهون,,,
ترس ماعون صبري من الصبر لاْكًات
من اسنين المحل؟؟؟ مران ثراك اشلون
واسيتك دمع ؟؟؟ شقق بيابي العين
وخضر ذل على الوجنات ,,
منشفت النوارس جفن من كارون
وامجوجي النخل والحزن ترس القاع
والموت ابشراهه ايدق على البيبان
ما هو ابلون واحد يجي ابمية لون
*********
واختي اتكمط ابنها ابحزن من كارون
اوكاروكه سفى عيون المساجين
ابيض على اكتاره لون تمر اشطيط
تلوليله ابحزنه والدمع نهرين
واخوي انعدم غبشه ابجسر ابو هلالات
ثغب حبل المشانق هز ضمير الدين
اوصفكًله النخل صفكًة عرس ثوار
قراْ باذنه الشهادة اوغمظاله العين
وامي اتشق دربها بالجموع ابزود
اوكًفت عدراس اخوي؟؟ اوربعه ملتمين
جرغد راسها شالته فوك الفوك
اوكًالت ياحبيبي والدك ممنون
وايكًلك يوا لي الهاي كلشي ايهون
دمك دمعتي اونتي ابتوالي الليل
كلشي ايهون ؟؟
بس يبني الشرف صدقني
عيب ايهون؟؟؟؟؟
ابغير الدم يوالي الشرف ماينصان
بس فرقاك يبني ابقلبي شب كانون
اوفجر لدموع ؟ امن العيون عيون
لكن شوف النورس والنخل والكًاع
كلهم بسمك ايسبحون
